«Buduć razhledžanyja niekatoryja pytańni». Łukašenka anansavaŭ kroki na 17 vieraśnia, «Dzień narodnaha adzinstva»
Pravodziačy ŭrok dla školnikaŭ i studentaŭ, Łukašenka zahavaryŭ pra «biehłych», «jakija rvanuli za miažu».
01.09.2022 / 14:23
«A vy viedajecie, kolki nazad ciapier prosicca? — spytaŭ jon. — My im nie zakryvali ŭjezd. Ale jany bajacca viarnucca — niekatoryja, što nakasiačyli, bo z zakonam nieparadak. A raptam ź ich spytajuć? U najbližejšy čas ja adkažu na hetaje pytańnie», — skazaŭ Łukašenka.
«Jakraz 17 vieraśnia — dzień narodnaha adzinstva — blizka. My razhladzim niekatoryja pytańni. Nie chaču zahadzia anansavać. I prymiem adpaviednaje rašeńnie. Ale heta prymiem my na svajoj ziamli», — dadaŭ jon.