U Łatvii zatrymali biełarusa i ŭkrainca, jakija vadzili praz miažu mihrantaŭ
4 vieraśnia ŭ Łatvii zatrymali dvuch čałaviek, jakija majuć dačynieńnie da sadziejničańnia nielehalnaj mihracyi, paviedamiła Pamiežnaja słužba Łatvii.
05.09.2022 / 19:28
U Krasłaŭskim rajonie za try kiłamietry ad biełaruskaj miažy łatvijskija pamiežniki i palicejskija pasprabavali spynić aŭtamabil VW Tuareg. Adnak kiroŭca praihnaravaŭ sihnał ab spynieńni i tolki pavialičyŭ chutkaść.
Ale ŭsio ž taki ŭrešcie kiroŭcu i pasažyra ŭdałosia zatrymać. Imi akazalisia hramadzianin Biełarusi 1996 hoda naradžeńnia i ŭkrainiec 2000 hoda naradžeńnia.
Zatrymanyja pryznalisia, što čakali kala miažy ludziej, jakija pavinny byli nielehalna pierajści biełaruska-łatvijskuju miažu, kab zatym pierapravić ich u inšyja krainy Jeŭrasajuza. Abodva zatrymanyja znachodzilisia ŭ Łatvii biez dazvolnych dakumientaŭ.
U dačynieńni da mužčyn zaviedziena kryminalnaja sprava, jany ŭziatyja pad vartu.