Aŭtamabilny rynak Biełarusi skaraciŭsia na 83,9%
U žniŭni 2022 hoda ŭ Biełarusi dylerami było pradadziena ŭsiaho 542 mašyny. Takim čynam, aŭtamabilny rynak lehkavych aŭtamabilaŭ Biełarusi skaraciŭsia na 83,9%, abo na 2834 štuk, u paraŭnańni sa žniŭniem 2021-ha. Pra heta paviedamlaje Biełaruskaja aŭtamabilnaja asacyjacyja.
06.09.2022 / 18:52
Pa vynikach 8 miesiacaŭ 2022 hoda na rynku lidziruje marka LADA z vynikam 3490 aŭtamabilaŭ. U trojcy lidaraŭ taksama znachodziacca brendy Geely i Kia.
Usiaho z pačatku hoda ŭ Biełarusi pradadziena 11 764 novych lehkavych aŭto.
Čakany ŭzrovień prodažaŭ u najbližejšyja miesiacy šmat u čym budzie vyznačacca abjomam realizacyi Geely, zaŭvažajuć śpiecyjalisty. Biez uliku prodažaŭ ajčynnaha vytvorcy rynak naŭrad ci pieraadoleje miažu ŭ 500 lehkavych aŭtamabilaŭ u miesiac.
Pry hetym asartymient novych aŭtamabilaŭ ad dyleraŭ praciahvaje skaračacca. Kali hodam raniej dylerami-členami BAA na rynku byli pradstaŭleny 112 madelaŭ novych aŭtamabilaŭ, to ŭ žniŭni 2022 hoda — tolki 36.