Pucin zahadaŭ padtrymać pastaŭki biełaruskich uhnajeńniaŭ
Prezident Rasii Uładzimir Pucin daručyŭ rasijskamu MZS padtrymać pastaŭku biełaruskich uhnajeńniaŭ u inšyja krainy.
09.09.2022 / 20:13
«My razhledzim, viadoma, prapanovy našych jeŭrapiejskich partnioraŭ pa pastaŭkach uhnajeńniaŭ u ich adras, ale treba vyrašyć pytańni pa pastaŭkach uhnajeńniaŭ i ŭ inšyja krainy. Darečy kažučy, prasiŭ by MZS padtrymać i pastaŭku biełaruskich uhnajeńniaŭ», — zajaviŭ Pucin na naradzie z členami Rady biaśpieki Rasii.
Pucin adznačyŭ, što Jeŭrasajuz dazvoliŭ pastaŭku rasijskich uhnajeńniaŭ u krainy JeS, ale zabaraniaje vykarystoŭvać jeŭrapiejskija party dla transpartavańnia rasijskich i biełaruskich uhnajeńniaŭ u inšyja krainy. Heta, pa jahonych słovach, źjaŭlajecca dyskryminacyjaj. U zamiežnych partach z-za hetaha nazapasiłasia šmat rasijskich uhnajeńniaŭ, jakija lažać miortvym hruzam.