TJournal зачыніўся пасля 11 гадоў працы
Расійскае інтэрнэт-выданне TJournal афіцыйна зачынілася. На сайце пакуль даступны архіў артыкулаў рэдакцыі і лепшых карыстальніцкіх матэрыялаў.
10.09.2022 / 10:13
Так цяпер выглядае галоўная старонка сайта:
Рэдакцыя TJournal абвясціла аб спыненні працы 22 жніўня, патлумачыўшы, што на развіццё і падтрымку праекта больш няма сродкаў. Кампанія «Камітэт», якая валодае TJ, страціла істотную частку рэкламнай выручкі пасля пачатку расійскага ўварвання ва Украіну.
У сакавіку Раскамнагляд па патрабаванні Генпракуратуры заблакаваў сайт TJournal на тэрыторыі Расіі. Доступ абмяжоўваўся як да самога сайта, так і па «масцы» — з усімі даменамі і паддаменамі.