Za minułyja sutki krainy Jeŭrasajuza nie prapuścili 142 mihrantaŭ z terytoryi Biełarusi
Try krainy Jeŭrasajuza, jakija miažujuć z Biełarussiu, paviedamili statystyku za minułyja sutki, jakaja śviedčyć pra toje, nakolki aktyŭna nielehalnyja mihranty šturmavali ich miežy, paviedamlaje «Pozirk». Asnoŭny napramak — Litva, dźvie traciny mihrantaŭ kiravalisia tudy.
11.09.2022 / 17:56
Słužba achovy dziaržaŭnaj miažy Litvy (SAHHŁ) paviedamiła, što 10 vieraśnia na litoŭska-biełaruskim pamiežžy raźviarnuli 107 mihrantaŭ. Z pačatku hoda ŭ Litvie zafiksavali 6371 sprobu nielehalnaha pierachodu miažy.
SAHHŁ sa spasyłkaj na kaleh z Dziaržaŭnaj pamiežnaj achovy Łatvii adznačyła, što 10 vieraśnia było zafiksavana 15 sprob niezakonnaha pierasiačeńnia biełaruska-łatvijskaj miažy.
Pamiežnaja achova Polščy ŭ tvitary paviedamiła, što za minułyja sutki z boku Biełarusi miažu sprabavali nielehalna pierasiekčy 20 hramadzian Maroka, Jehipta, Turcyi i Iraka. Śćviardžajecca, što zamiežniki prybyli ŭ Biełaruś z Rasii.