Łukašenka prapanavaŭ ŠAS arhanizavać svaje «Alimpijady»
Alaksandr Łukašenka prapanavaŭ krainam Šanchajskaj arhanizacyi supracoŭnictva (ŠAS) pravieści svaje «Alimpijady», letniuju i zimovuju.
16.09.2022 / 13:35
president.gov.by
Temu sportu na samicie padniaŭ prezident Rasii Uładzimir Pucin, jaho padtrymaŭ Łukašenka.
«Prezident Rasii vielmi vyrazna paznačyŭ hetuju temu. Sport zaklikany abjadnoŭvać krainy i narody. Ciapier, na žal, jon taksama aktyŭna palityzujecca Zachadam», — skazaŭ Łukašenka.
Jon prapanavaŭ ŠAS razhledzieć mahčymaść praviadzieńnia ŭ ramkach arhanizacyi kompleksnych mižnarodnych spabornictvaŭ pa letnich alimpijskich vidach sportu ŭ 2024 hodzie i pa zimovych — u 2026 hodzie. Na dumku Łukašenki, heta pavysić aŭtarytet dziaržaŭ-členaŭ i kankurentazdolnaść spartśmienaŭ na suśvietnych arenach.
Nahadajem, što biełaruskija i rasijskija spartoŭcy adchilenyja ad spartyŭnych spabornictvaŭ z-za vajny va Ukrainie.