«Ja, suka, vajavaŭ za vašu krainu!» Udzielniki «śpiecapieracyi» viarnulisia ŭ Rasiju i puścilisia va ŭsie ciažkija
Najmit PVK Vahniera 16 vieraśnia napaŭ na rashvardziejcaŭ u hateli Varonieža. Mužčyna z pazyŭnym «Marlin» niadaŭna viarnuŭsia z «DNR». Pry pieratrusie ŭ jaho znajšli 476 patronaŭ i praz heta raspačali kryminalnuju spravu. Heta nie pieršy vypadak, kali tyja, chto viarnuŭsia z vajny, parušajuć zakon, piša kanał «Možiem ob'iasnit».
17.09.2022 / 17:07
Supracoŭnikaŭ Rashvardyi vyklikali 16 vieraśnia ŭ Varoniežski hatel z-za skandału, jaki zładziŭ mužčyna ŭ vajennaj formie. Kali na miesca pryjechali rashvardziejcy, jon pačaŭ skandalić jašče macniej. Mužčyna abiacaŭ rashvardiejcu zasunuć dubinku ŭ ž*pu i pastajanna zadavaŭ rytaryčnaje pytańnie: «Ty viedaješ, chto ja taki?», a taksama kazaŭ, što «abaraniaje vašu krainu». Na plačy ŭ jaho byŭ šaŭron, padobny na šaŭron PVK «Vahnier». Mužčyna zajaviŭ, što jaho pazyŭny «Marlin», jon sa śpiechrupy 136-ha pałka.
Jon usio ž udaryŭ supracoŭnika, a praź siekundu jaho samoha zavalili na padłohu, źbili dubinkaj i nahami. Adnak i ŭ kajdankach «Marlin» nie supakoiŭsia, praciahnuŭšy pahražać rashvardziejcam. Na miesca vyklikali śledčych, i tyja pacvierdzili, što «Marlin» — dobraachvotnik, jaki dniami viarnuŭsia ŭ Rasiju. U mašynie ŭ jaho znajšli 476 patronaŭ kalibra 9ch19 mm. Mužčyna patłumačyŭ, što bojeprypasy prosta zavalalisia i jon pra ich zabyŭsia. Z-za znojdzienych patronaŭ na mužčynu zaviali kryminalnuju spravu za niezakonnaje zachoŭvańnie bojeprypasaŭ.
Heta nie adziny vypadak u kryminalnych zvodkach z udziełam rasiejcaŭ, jakija viarnulisia z vajny.
U Tule ŭdzielnik vajny zładziŭ bojku ŭ piceryi i źbiŭ kresłam jaje dyrektara. A pad Smalenskam lejtenant ździejśniŭ uzbrojeny nalot na sanatoryj, dzie žyvuć biežanki i ich dzieci. Pa jaho pryznańni, na vajnie jon zabivaŭ ludziej.
U Bransku ŭdzielnika vajny asudzili za dziedaŭščynu. Kamandzir roty byŭ niezadavoleny svaim padnačalenym, źbiŭ jaho i pasprabavaŭ zadušyć. Sud aštrafavaŭ jaho na 50 tys.
Jašče adzin udzielnik vajny trapiŭsia siłavikam z bajavymi hranatami. 53-hadovy rasijanin byŭ zatrymany na vakzale Jekaciarynburha. Mužčyna rastłumačyŭ, što pryvioz bojeprypasy z pola boju.
U Biełharodskaj vobłaści ž zarehistravanyja vypadki zhvałtavańniaŭ sałdatami, jakija prybyli na ratacyju.