ŚMI: Mužčynam mabilizacyjnaha ŭzrostu paśla «refierendumaŭ» zabaroniać vyjazdžać z Rasii
Ułady Rasii źbirajucca zakryć miežy dla mužčyn mabilizacyjnaha ŭzrostu, paviedamiła «Mieduzie» krynica, blizkaja da Administracyi prezidenta RF. Pavodle jaje słoŭ, najbolš vierahodnaja data ŭviadzieńnia zabarony — 28 vieraśnia.
25.09.2022 / 12:51
Druhaja krynica, taksama blizkaja da AP, kaža, što heta adbudziecca «paśla refierendumaŭ», jakija pravodziać u samaabvieščanych DNR, ŁNR i na akupavanych terytoryjach Chiersonskaj i Zaparožskaj abłaściej Ukrainy. Jany zavieršacca ŭviečary 27 vieraśnia.
Surazmoŭca vydańnia adznačyŭ, što budzie padabienstva «vyjaznych viz»: dla vyjezdu z Rasii mužčynam daviadziecca atrymlivać dazvoł ad vajenkamata.
Raniej «Mieduza» paviedamlała, što miežy dla mužčyn da zakančeńnia «refierendumaŭ» 27 vieraśnia buduć adkrytyja.