Va Ukrainie zatrymali ŭładalnika kampanii, jakaja pradavała biełaruskuju sielhastechniku navat padčas vajny
Nacpalicyja Ukrainy zatrymała 61-hadovaha ŭłaśnika kampanii, jakaja ŭ parušeńnie zabarony na impart kuplała i pradavała sielskahaspadarčuju techniku ź Biełarusi i Rasii praz afšory.
26.09.2022 / 19:54
Fota: npu.gov.ua
Pa miescy žycharstva zatrymanaha i ŭ miescach zachoŭvańnia techniki prajšli pieratrusy. Na majomaść nakładzieny aryšt, pad jaki ŭ tym liku patrapili bankaŭskija rachunki z ahulnaj kolkaściu srodkaŭ na sumu kala 3 młn dalaraŭ, 18 ziamielnych učastkaŭ, niežyłyja pamiaškańni, doma, kvatery, bolš za 1000 adzinak sielhastechniki.
Padazravany abvinavačvajecca z parušeńni handlovaha embarha z Rasijaj, uviedzienaha paśla pačatku paŭnamaštabnaha vajennaha ŭvarvańnia. Adkrytaja kryminalnaja vytvorčaść pa artykule ab finansavańni dziejańniaŭ, učynienych z metaj hvałtoŭnaj źmieny abo źviaržeńnia kanstytucyjnaha ładu abo zachopu dziaržaŭnaj ułady, źmieny miežaŭ terytoryi abo dziaržaŭnaj miažy Ukrainy.