Pucin padpisaŭ ukaz ab pieravodzie Zaparožskaj AES va ŭłasnaść Rasii
Rasijskamu ŭradu daručana pryniać miery dla stvareńnia Fiederalnaha dziaržaŭnaha ŭnitarnaha pradpryjemstva «Zaparožskaja AES», za jakim budzie zamacavanaja majomaść stancyi.
05.10.2022 / 18:54
Fota: AP Photo
«Zabiaśpiečyć pryniaccie ŭ fiederalnuju ŭłasnaść abjektaŭ vykarystańnia atamnaj enierhii Zaparožskaj atamnaj elektrastancyi i inšaj majomaści, nieabchodnaj dla ažyćciaŭleńnia jaje dziejnaści», — havorycca ŭ dakumiencie.
Zaparožskaja AES — samaja bujnaja atamnaja elektrastancyja ŭ Jeŭropie. Na stancyi praciahvaje pracavać ukrainski piersanał.
Blizkaść Zaparožskaj AES da linii frontu ŭžo daŭno vyklikaje surjoznyja aściarohi ŭ mižnarodnaj supolnaści, pakolki patencyjna pahražaje jadziernaj katastrofaj.
Zaniepakojenaść suśvietnaj supolnaści źviazanaja z pastajannymi abstrełami stancyi, u jakich Ukraina i Rasija abvinavačvajuć adzin adnaho.