U ZŠA pamior samy stary sabaka ŭ śviecie
Toj-faksterjera Piebłs, jakaja źjaŭlałasia rekardśmienam pa ŭzroście siarod sabak, jakija žyli na dadzieny momant, bolš niama, havorycca ŭ pres-relizie Knihi rekordaŭ Hiniesa.
08.10.2022 / 09:24
«Piebłs mirna pamierła pa naturalnych pryčynach u svaim domie ŭ Tejłarsie, Paŭdniovaja Karalina, ZŠA pobač sa svaimi ŭładalnikami Bobi i Džuli Hrehary», — paviedamlajecca ŭ pres-relizie.
Maleńkamu terjeru, jaki naradziŭsia 28 sakavika 2000 hoda, zastavałasia pražyć piać miesiacaŭ da svajho 23-hoddzia.
Piebłs pražyła doŭhaje i ščaślivaje žyćcio. Jaje ŭładalniki spačatku dumali zavieści sabaku bujnoj parody, kali ŭpieršyniu ŭbačyli kišennaha ščaniuka. Piebłs chutka stała karalevaj siamji i naradziła ŭ troch roznych pamiotach 32 ščaniuki.
«Jana pravodziła dni, atrymlivajučy asałodu ad kantry-muzyki i budučy usimi lubimaj», — napisała ŭładalnica sabaki Džuli Hrehary. Haspadynia havoryć, što sakret daŭhalećcia jaje sabaki byŭ u tym, što jana davała Piebłs vialikuju kolkaść lubovi i ŭvahi.