Mužčyna zładziŭ stralaninu ŭ pryvatnym siektary Lepiela, kab nie addavać doŭh
U pryvatnym siektary Lepiela mužčyna zładziŭ stralaninu, kab nie addavać doŭh u 100 dalaraŭ znajomamu, paviedamili ŭ addzialeńni infarmacyi i hramadskich suviaziaŭ UUS Viciebskaha abłvykankama.
11.10.2022 / 18:38
Fota ilustracyjnaje
Padziei stali raźvivacca ŭ noč na 8 kastryčnika. U Lepielski RAUS pryjšoŭ miascovy žychar i raskazaŭ pra stralaninu, jakaja adbyłasia niekalki chvilin tamu. Ahoń prosta la jahonaha doma adkryŭ 27-hadovy niepracujučy znajomy, jaki byŭ vinavaty paciarpiełamu 100 dalaraŭ.
Raniej u toj ža dzień mužčyna zapatrabavaŭ viartańnia svaich hrošaj, ale atrymaŭ admovu. Zamiest sustrečy z kredytoram daŭžnik źjechaŭ u Čašniki na zastołle da pryjaciela. Čarhovy zvanok paciarpiełaha mocna razzłavaŭ lepielca, u vyniku złamyśnik vyklikaŭ surazmoŭcu na razmovu, a pa darozie zajechaŭ za strelbaj sa schovanki.
Strałok pryjechaŭ da patrebnaha doma, streliŭ niekalki razoŭ, paśla čaho znoŭ adpraviŭsia da znajomaha ŭ Čašniki, dzie i byŭ zatrymany supracoŭnikami AMAP i kryminalnaha vyšuku.
Viadoma, što na zvarotnym šlachu złamyśnik paškodziŭ mašynu, na jakoj jeździŭ da kredytora, i schavaŭ strelbu kala dačnaha doma maci.
Za chulihanstva ŭ dačynieńni da mužčyny raspačataja kryminalnaja sprava. Fihuranta mohuć pazbavić voli na termin da 10 hadoŭ.