Stołtenbierh: Łukašenka pavinien spynić saŭdzieł u rasijskaj vajnie
Biełaruś pavinna spynić saŭdzieł u rasijskaj vajnie suprać Ukrainy. Pra heta pierad pačatkam pasiadžeńnia ministraŭ abarony krain NATA zajaviŭ hienieralny sakratar aljansu Jens Stołtenbierh.
12.10.2022 / 14:16
«Ja čakaju, kab režym Łukašenki spyniŭ saŭdzieł u vajnie. My bačym, jak Biełaruś vykarystoŭvajecca dla raźmiaščeńnia rakietnych kompleksaŭ i napadaŭ suprać Ukrainy. Prezident Łukašenka pavinien pierastać dapamahać i padtrymlivać rasijskija vajennyja namahańni», — skazaŭ Stołtenbierh.
Jon adznačyŭ eskałacyju z boku Rasii ŭ vajnie suprać Ukrainy, jakaja vyjaviłasia ŭ sprobie anieksii čatyroch abłaściej, masiravanych udarach pa haradach i vykarystańni jadziernaj rytoryki rasijskimi słužbovymi asobami. Usie hetyja pytańni buduć abmiarkoŭvacca na ministerskaj sustrečy aljansu.
«Pasłańnie sajuźnikaŭ pa NATA budzie jasnym: my zastajomsia na baku Ukrainy, my hatovyja da praciahłaj padtrymki i budziem padtrymlivać Ukrainu stolki, kolki heta spatrebicca», — skazaŭ hienieralny sakratar NATA.