Niezvarotnyja straty rasijskaj armii va Ukrainie mohuć składać bolš za 90 tysiač čałaviek
Niezvarotnyja straty rasijskaj armii va Ukrainie mohuć składać bolš za 90 tysiač čałaviek. Pra heta «Važnym historyjam» paviedamili dźvie krynicy: adna ź ich — były aficer rasijskich śpiecsłužbaŭ, druhaja — dziejny aficer FSB.
12.10.2022 / 14:27
Da niezvarotnych strat adnosiać zabitych, tych, chto źnik bieź viestak, pamierłych ad ran u špitalach, a taksama paranienych, jakija nie mohuć viarnucca da vajennaj słužby.
Ahučanaja surazmoŭcami vydańnia ličba blizkaja da źviestak, jakija na pačatku vieraśnia nazvaŭ ministr abarony Vialikabrytanii. Pa słovach Bena Uolesa, va Ukrainie byli zabityja bolš za 25 tysiač rasijskich sałdat. Ahulnaja kolkaść strat rasijskaj armii brytanskaje Minabarony aceńvała ŭ bolš čym 80 tysiač čałaviek.
Paśla hetaha rasijskaja armija paniesła ciažkija straty padčas razhromu pad Iziumam i adstupleńnia z-pad Limana i Kryvoha Roha.
Apošni raz Ministerstva abarony Rasii kazała pra straty 21 vieraśnia. Tady ministr abarony Siarhiej Šajhu zajaviŭ, što va Ukrainie zahinuła 5937 rasijskich vajskoŭcaŭ.