Sud spyniŭ spravu suprać žycharki Ciumieni z-za nadpisu «Niet v***ie». Dziaŭčyna śćviardžała, što mieła na ŭvazie «Niet voble»
Pa źviestkach telehram-kanała «Ciumień — bahaty rehijon!», 30-hadovuju žycharku horada zatrymali 24 vieraśnia z-za taho, što jana namalavała siniaj krejdaj na asfalcie nadpis «Niet v***ie».
13.10.2022 / 10:36
Dziaŭčynu abvinavacili ŭ «dyskredytacyi rasijskaj armii», joj pahražaŭ štraf ad 30 da 50 tysiač rubloŭ. Taksama ŭ jaje kanfiskavali karobku z krejdaj u jakaści dokazu pravaparušeńnia.
Pry hetym sama dziaŭčyna ŭ palicyi i paźniej u sudzie zajaviła, što jaje nadpis aznačaŭ «Niet voble», bo jana «adčuvaje niepryjaznaść da hetaha vidu ryb». Sud adznačyŭ, što palicyja nijak nie abvierhła hetuju zajavu i spyniŭ spravu za adsutnaściu składu administracyjnaha pravaparušeńnia.
Taksama suddzia pastanaviŭ viarnuć dziaŭčynie jaje karobku z krejdaj.