Stołtenbierh: Krainy NATA pastaviać Ukrainie abstalavańnie dla baraćby ź bieśpiłotnikami
Hienieralny sakratar NATA Jens Stołtenbierh paabiacaŭ u najbližejšy čas dapamahčy Ukrainie sučasnym abstalavańniem dla baraćby ź bieśpiłotnymi latajučymi aparatami. Jon skazaŭ heta pa vynikach ministerskaj sustrečy krain Aljansa ŭ Brusieli.
13.10.2022 / 19:43
Jens Stołtenbierh. Fota: AFP
Stołtenbierh adznačyŭ, što NATA nadaje Ukrainie paliva, zimovuju vopratku i miedykamienty ŭ ramkach ŭsioachopnaha pakieta dapamohi joj.
«Jak składnik hetaha pakieta NATA taksama apieratyŭna daść Ukrainie supraćdronnyja srodki z sotniami pryład dla hłušeńnia bieśpiłotnikaŭ, jakija mohuć dapamahčy źvieści na ništo efiektyŭnaść rasijskich i iranskich dronaŭ i abaranić ukrainskaje nasielnictva i infrastrukturu», — dadaŭ hienieralny sakratar NATA.
Stołtenbierh taksama zajaviŭ, što ŭ doŭhaterminovaj pierśpiektyvie Aljans dapamoža Ukrainie pierajści z savieckaha na sučasnaje nataŭskaje ŭzbrajeńnie.