Supracoŭnicy EPAM, što viarnułasia ŭ Biełaruś, dali dva hady kałonii
Sud Partyzanskaha rajona Minska 14 kastryčnika vynies prysud supracoŭnicy EPAM Kaciarynie Hlinskaj. Jaje abvinavacili ŭ arhanizacyi i padrychtoŭcy dziejańniaŭ, jakija hruba parušyli hramadski paradak (č. 1 art. 342 Kryminalnaha kodeksa), paviedamlaje «Viasna».
14.10.2022 / 12:23
Spravu ciaham dvuch dzion razhladała suddzia Natałla Dziadkova.
Kaciarynu Hlinskuju zatrymali razam z siastroj Julaj 22 lipienia 2022 hoda i źmiaścili ŭ SIZA №1 Minska. Paźniej stała viadoma, što Jułiju aryštavali na 15 sutak.
Praŭładnyja telehram-kanały paviedamlali, što dziaŭčyna była aktyŭnaj udzielnicaj pratestaŭ u 2020 hodzie, nibyta «błakavała prajeznuju častku».
Kaciaryna pierajechała ŭ Litvu viasnoj hetaha hoda. U adzin z razoŭ, kali jana vyrašyła pryjechać u Biełaruś da siabroŭki, dziaŭčyna była zatrymanaja.
Siłaviki apublikavali videa, dzie jana nibyta pryznajecca va ŭdziele ŭ pratestach i pierakryćci ruchu transpartu. Dziaŭčat schapili, kali jany išli da svajho aŭtamabila. Zatym u kvatery zrabili pieratrus.
Sud pryznaŭ Kaciarynu Hlinskuju vinavataj i pakaraŭ dvuma hadami kałonii va ŭmovach ahulnaha režymu.