Шольц: Германія ўжо не залежыць ад расійскага газу
Германія ўжо не залежыць ад расійскага газу, заявіў федэральны канцлер Германіі Олаф Шольц падчас выступлення ў Бундэстагу.
20.10.2022 / 16:23
Фота: AP
«Мы вызваліліся ад залежнасці і добра падрыхтаваліся да маючай адбыцца зімы», — сказаў Шольц.
Ён адзначыў таксама, што Расія «больш не з'яўляецца надзейным гандлёвым партнёрам».
«Пуцін спадзяваўся шантажаваць нас адключэннем газу. Але і тут ён памыліўся… Разам мы перажывем зіму», — падкрэсліў Шольц.
Нямецкі канцлер, у прыватнасці, расказаў, што ў рамках падрыхтоўкі да зімы Германія пачала атрымліваць газ з Францыі, таксама рыхтуюцца да запуску першыя тэрміналы звадкаванага газу, заключаныя новыя кантракты на пастаўку, прынята рашэнне аб працягу эксплуатацыі атамных станцый і часовае вяртанне да вугалю.
«Мы вызваліліся ад залежнасці і добра падрыхтаваліся да маючай адбыцца зімы. Мы прымаем неабходныя меры і не даем сябе запалохаць», — запэўніў ён.