U Biarozie źniščyli manumientalnyja mazaiki kanca 1980-ch. Zdahadajciesia čamu
Dźvie mazaiki ŭ Biarozie Bresckaj vobłaści byli stvoranyja ŭ 1989—1990 hadach mastakom Ryhoram Kirdziejem pa dziaržaŭnaj zamovie i mieli nazvu «Pryhažość vyratuje śviet», piša telehram-kanał «Spadčyna». Ale ciapier ich niečakana źniščyli.
26.10.2022 / 23:04
Mazaiki vychodzili na miascovy stadyjon.
Jak nahadvaje kanał «Spadčyna», zhodna z pastanovaj Savieta Ministraŭ Respubliki Biełaruś № 1374 ad 19 vieraśnia 2008 hoda «Ab niekatorych pytańniach stvareńnia (rekanstrukcyi) i pryjomki tvoraŭ manumientalnaha i manumientalna-dekaratyŭnaha mastactva» rekanstrukcyja tvoraŭ dekaratyŭna-manumientalnaha mastactva (kudy adnosiacca i ŭsie tvory ŭ technicy mazaiki) moža pravodzicca tolki na padstavie ekśpiertnaha zaklučeńnia Bresckaha abłasnoha mastacka-ekśpiertnaha savieta. Ci było heta praviła vykanana ŭ hetym vypadku, nieviadoma.
Možna mierkavać, što tvory mastactva paciarpieli tamu, što na ich byli siarod inšaha elemienty bieł-čyrvona-biełych koleraŭ, a taksama staražytny biełaruski hierb «Pahonia».
Tak vyhladaje miesca, dzie mieścilisia raniej mazaiki, ciapier