У Расіі ўпершыню спынілі крымінальную справу аб «ваенным фэйку»
У Ніжнім Ноўгарадзе спынена справа аб «ваенным фэйку». Па звестках юрыстаў праекта «Сеткавыя свабоды», гэта першае такое рашэнне.
27.10.2022 / 11:15
Буча. Фота: AP
Справу распачалі пасля размяшчэння ў сетцы спасылкі на відэаролік пра падзеі ў Бучы ў красавіку гэтага года.
Крымінальны пераслед жыхара Ніжняга Ноўгарада спынены праз адсутнасць складу злачынства, паколькі абарона даказала, што відэа выкладзена да выхаду афіцыйнага абвяржэння Міністэрствам абароны РФ адносна падзей, якія адбыліся ў Ірпені і Бучы.
Абароне, такім чынам, удалося даказаць адсутнасць у абвінавачанага намеру публічна распаўсюджваць пад выглядам дакладных паведамленняў загадзя лжывую інфармацыю аб Узброеных Сілах РФ.