Navošta Mask pryjšoŭ z rakavinaj u ofis Twitter? Heta namiok na papularny miem
Na svajoj staroncy Mask padzialiŭsia videa, dzie jon zachodzić u štab-kvateru kampanii z rakavinaj. U čym tut prykoł?
27.10.2022 / 15:28
Mask napisaŭ u tvitary pad videa paviedamleńnie «Entering Twitter HQ — let that sink in!».
Zjaŭleńnie Maska ŭ ofisie adbyłosia za paru dzion da vyznačanaha sudom krajniaha terminu zaviaršeńnia ździełki na kuplu sacsietki na sumu 44 miljardy dalaraŭ.
Hetaje videa z rakavinaj zjaviłasia praz niekalki hadzin paśla taho, jak jon zahadkava źmianiŭ svaju bijahrafiju na płatformie na «Chief Twit». Chacia dasłoŭna heta možna pierakłaści jak «hałoŭny prydurak», chutčej za ŭsio, heta adsyłka da zaviaršeńnia pracedury kupli tvitara.
Ale da čaho tut rakavina? Heta hulnia słovaŭ i adsyłka da papularnaha anhłamoŭnaha miema.
«Let that sink in!» možna pierakłaści jak «Chaj heta dojdzie da vas!», «Zrazumiejcie heta» albo «Padumajcie pra heta».
Ale «sink» taksama abaznačaje rakavinu. Tamu «Let that sink in!» moža aznačać, što vy dazvalajecie rakavinie znachodzicca ŭnutry pamiaškańnia.
Na asnovie hetaha ŭ anhłamoŭnych krainach naradzilisia šmatlikija miemy.
«Što ja baču, kali nastaŭnik mnie kaža: «Zrazumiej heta»»
«Chutka budzie kaniec śvietu, zrazumiejcie heta» — «Tak, bratka, dazvol mnie ŭvajści na siekundu»