У цэнтры Мінска прадаецца кватэра з джакузі на тэрасе ФОТА
Пішуць, што карыстацца джакузі можна круглы год.
28.10.2022 / 15:05
Кватэра знаходзіцца на праспекце Пераможцаў, 27. Гэта крыху больш за кіламетр да Нямігі, да Фрунзенскай бліжэй — каля 750 метраў. Маналітны дом 2015 года пабудовы. 18 паверх 19-павярховага дома.
Агульная плошча кватэры — 145 квадратных метраў, жылая — 100 «квадратаў». У кватэры ёсць тэраса, лоджыя і балкон. Іх агульная плошча — 45 квадратных метраў — гэта цэлая немаленькая аднапакаёўка, піша Realt.by.
У кватэры ёсць гасцёўня і яшчэ два жылыя пакоі. Два санвузлы, у адным усталяваны душ, у другім — ванна.
Выхад на тэрасу з кухні. Тут ёсць джакузі і ўсталяваны рукамыйнік. Агароджа з празрыстага шкла, адкрываецца від на горад.
Таксама ёсць убудаваныя шафы, застаецца мэбля і бытавая тэхніка, устаноўлены лічыльнікі вады. Ёсць гараж.
Кошт кватэры — 425 тысяч даляраў (2 931 даляр за «квадрат»).