MZS Polščy raić palakam nie jechać u Biełaruś na mahiły svajakoŭ
Na Dzień usich śviatych 1 listapada palaki tradycyjna naviedvajuć mohiłki, a ŭ mnohich ź ich mahiły svajakoŭ znachodziacca ŭ Biełarusi. Ale ŭ hetym hodzie polskija ŭłady nie rajać im hetaha rabić.
31.10.2022 / 18:57
Łukaš Jasina
«My raim našym hramadzianam ustrymacca ad lubych pajezdak u Biełaruś i Rasiju», — zajaviŭ pres-sakratar MZS Łukaš Jasina.
Pavodle jaho słoŭ, «sproba naviedać siamiejnuju mahiłu moža być vykarystana suprać hramadzianina Polščy».
U Biełarusi taksama šmat mahił vajaroŭ Armii Krajovaj. U apošnija miesiacy stała viadoma pra rujnavańnie niekalkich padobnych miescaŭ. Ich pasprabujuć u hety dzień naviedać polskija dypłamaty.
Pa słovach Jasiny, abarona palakami hetych pachavańniaŭ ciapier amal niemahčymaja, bo polskaja dypłamatyja ŭ Biełarusi vielmi abmiežavanaja ŭ dziejańniach, a Sajuz palakaŭ pieraśledujecca ŭładami. «Samaje bolšaje, što možna ciapier zrabić, heta naviedać hetyja miescy, acanić ich stan», — skazaŭ pradstaŭnik MZS.