ISW: Ci buduć rasijanie bicca za Chierson, niezrazumieła
Amierykanski instytut vyvučeńnia vajny (ISW) u čarhovaj zvodcy-analizie piša, što rasijanie praciahvajuć vyvodzić niejkija čaści i ŭstanovy z Chiersona i naohuł ź levaha bieraha Dniapra, ale ci źbirajucca jany pakinuć Chierson biez boju abo buduć bicca za jaho — pakul nie jasna.
04.11.2022 / 07:57
Z adnaho boku, razvažaje ISW, praciahvajuć pastupać śviedčańni ab evakuacyi: namieśnik kiraŭnika akupacyjnaj administracyi Chiersonskaj vobłaści Kirył Stramavusaŭ skazaŭ, što rasijskija čaści «chutčej za ŭsio» syduć z pravaha, zachodniaha bieraha (instytut adznačaje, što Stramavusaŭ — vielmi nienadziejnaja krynica), kanał Readovka paviedamiŭ, što akupacyjnaja administracyja pierajechała ŭ Hieničask, i h. d.
«Pieramiaščeńnie akupacyjnaj ułady Chiersonskaj vobłaści moža aznačać, što rasijskija siły rychtujucca pakinuć Chierson, ale hetak ža moža aznačać i toje, što jany rychtujuć umovy dla bajoŭ u horadzie […] Najlepšym indykataram namieraŭ rasijanaŭ zastajecca dysłakacyja desantnych vojskaŭ», — pišuć analityki ISW.
Jany tłumačać, što desantniki i marskaja piachota zastajucca na pravym bierazie, akramia taho, rasijanie pierakidvajuć tudy novyja čaści i budujuć umacavańni na paŭnočnym zachadzie ad Chiersona.