U Navapołacku adkryli most cieraź Dźvinu, jaki ramantavaŭsia ź minułaha hoda
4 listapada adkryli ruch pa abnoŭlenym moście cieraź Dźvinu, jaki złučaje dźvie častki Navapołacka. U cyrymonii pryniali ŭdzieł vysokija čynoŭniki na čale sa staršynioj Pałaty pradstaŭnikoŭ Uładzimiram Andrejčankam.
04.11.2022 / 17:02
Hety most cieraź Dźvinu byŭ pabudavany ŭ 1962 hodzie, nieŭzabavie paśla zasnavańnia samoha horada.
U 1999-m praviali rekanstrukcyju mosta, a paśla dyjahnostyki ŭ 2018-m pryniali dadatkovyja miery biaśpieki, a taksama ŭstalavali strachovočnuju aporu.
Tym nie mienš patrabavałasia bolš hruntoŭnaje abnaŭleńnie mosta, jaho madernizacyja. U červieni 2021-ha jaho zakryli na rekanstrukcyju, a pierapraŭlalisia cieraz raku praz pabudavany pobač časovy pantonny most.
Jak adznačyŭ padčas adkryćcia mosta Uładzimir Andrejčanka, budaŭničyja raboty skončyli raniej terminu, kab paśpieć zdać abjekt da hadaviny kastryčnickaha pieravarotu 1917 hoda.