Хворага на рэўматоідны артрыт гамельчука асудзілі да двух гадоў калоніі
24 кастрычніка ў судзе Чыгуначнага раёна Гомеля агучылі вырак 21-гадоваму Яўгену Рагуцкаму. Хлопца прызналі вінаватым паводле ч. 1 арт. 342 Крымінальнага кодэкса і асудзілі да двух гадоў калоніі, паведамляе «Вясна».
09.11.2022 / 14:16
Прысуд вынес суддзя Мікалай Крупадзёраў. Менавіта ён вынес прысуд Паліне Шарэнда-Панасюк паводле ч. 2 арт. 411 Крымінальнага кодэкса і прызначыў палітзняволенай у дадатак да двух гадоў зняволення яшчэ адзін год у калоніі. Тады Паліна стала першай палітзняволенай жанчынай ў Беларусі, асуджанай па гэтым артыкуле.
Вядома, што справа Яўгена Рагуцкага разглядалася ў закрытым рэжыме. Да пасяджэння ён амаль год знаходзіўся пад хатнім арыштам. Ён з дзяцінства мае захворванне — рэўматоідны артрыт. Першапачаткова паведамлялася, што хлопца затрымалі і ўтрымлівалі ў ІЧУ Гомеля за допіс у тэлеграме.
Цяпер Яўген утрымліваецца ў СІЗА-3. Падтрымаць яго лістамі салідарнасці, пасылкамі і грашовымі пераводамі можна па адрасе: 246003, г. Гомель, вул. Кніжная, 1А. Рагуцкаму Яўгену Аляксеевічу.