Na poŭnačy Kryma stali ryć akopy
U apošnija miesiacy ŭ anieksavanym Krymie stali ryć akopy na poŭnačy paŭvostrava, vynikaje sa spadarožnikavych zdymkaŭ, jakija apublikavaŭ aŭtar rasśledavańniaŭ Biendžamin Pitet.
10.11.2022 / 10:35
«Dumaju, hetaja tema vas ździvić. Rasija kapaje novyja akopy na poŭnačy Kryma», — napisaŭ jon u tvitary. U jakaści prykładu jon pryvioŭ zdymak, zrobleny ŭ rajonie Armianska ŭ pačatku listapada. Tam, pa jaho słovach, adnaŭlajuć staryja akopy i ryjuć novyja.
Taksama Biendžamin Pitet apublikavaŭ zdymki, zroblenyja ŭ žniŭni i kastryčniku ŭ rajonie kantrolna-prapusknoha punkta «Čanhar», raźmieščanaha pamiž Krymam i Chiersonskaj vobłaściu. Pa słovach ekśpierta, u hetym miescy rasijskija siły adnavili najaŭnyja ŭmacavańni i stvaryli novyja.
Akramia taho, śćviardžaje śpiecyjalist, achoŭnyja zbudavańni taksama ŭzvodziać u Chiersonskaj vobłaści, naprykład, u rajonie pasiołka Navatroickaje. Pit zajaviŭ, što abarončyja pazicyi budujuć pa ŭsim rehijonie.