U Iranie vynieśli pieršy śmiarotny prysud udzielniku pratestaŭ
Sud u Tehieranie prysudziŭ da śmiarotnaha pakarańnia adnaho z udzielnikaŭ pratestaŭ, jakija pačalisia ŭ krainie paśla śmierci 22-hadovaj Machsi Aminie. Heta pakarańnie stała pieršym prysudam, vyniesienym udzielnikam demanstracyj.
14.11.2022 / 08:24
Imia padsudnaha nie paviedamlajecca, ale viadoma, što jon byŭ pryznany vinavatym u padpale ŭradavaha budynka, parušeńni hramadskaha paradku, a taksama «stvareńni pahrozy nacyjanalnaj biaśpiecy». Akramia taho, jaho abvinavacili ŭ «karupcyi» i «macharebi» — «vajnie suprać Boha».
Apošniaje kvalifikujecca iranskim zakanadaŭstvam jak asabliva ciažkaje złačynstva i moža karacca śmiarotnym pakarańniem navat bieź inšych abvinavačvańniaŭ.
U toj ža čas na inšym pasiadžeńni suda ŭ Tehieranie na roznyja terminy pazbaŭleńnia voli byli asudžanyja jašče piać pratestoŭcaŭ — ich abvinavačvali ŭ «zmovie z metaj učynieńnia złačynstvaŭ suprać nacyjanalnaj biaśpieki» i «parušeńni hramadskaha paradku».
Abvinavačanych asudzili na terminy ad piaci da dziesiaci hadoŭ źniavoleńnia, jany majuć prava padać apielacyju.