Amierykaniec sa śpisu Forbes likviduje svoj biznes u Biełarusi
Havorka idzie pra Pitera Haśniera, jaki zajmaje 984-je miesca ŭ suśvietnym rejtynhu miljarderaŭ ($3,1 młrd) i źjaŭlajecca zasnavalnikam i akcyjanieram raspracoŭščyka IT-praduktaŭ dla farmaceŭtyčnaj haliny Veeva Systems, piša Office Life.
14.11.2022 / 16:15
Fota: Dev.by
U 2019 hodzie Veeva za $430 młn nabyła inšuju amierykanskuju IT-kampaniju, jakaja pracuje z kłijentami ŭ halinie achovy zdaroŭja, — Crossix Solutions. U jaje skład uvachodziŭ centr raspracoŭki ŭ Minsku, adkryty ŭ 2018 hodzie. Miascovy biznes «Krosiks Salušnz Baj» z 2019 hoda źjaŭlaŭsia rezidentam Parka vysokich technałohij.
Veeva paśla pačatku vajennaha kanfliktu Rasii i Ukrainy pieršapačatkova zachavała ofis u Minsku, ale z maja «Krosiks Salušnz Baj» znachodzicca ŭ pracesie likvidacyi.