Ułady Katara zabaranili prodaž piva na stadyjonach padčas čempijanatu śvietu. Za dva dni da jaho pačatku
Prodaž piva byŭ praduhledžany kantraktam pamiž FIFA i chołdynham AB InBev, uładalnikam brenda Budweiser. Kantrakt aceńvaŭsia ŭ 75 miljonaŭ dalaraŭ.
18.11.2022 / 15:37
U aficyjnaj zajavie FIFA nie paviedamlajecca, čamu było pryniataje takoje rašeńnie. Pa źviestkach ŚMI, arhanizacyja pajšła na heta pad ciskam uład Katara.
Zabarona nie budzie tyčycca fan-zon i inšych aficyjnych mierapryjemstvaŭ dla zaŭziataraŭ. Na samich stadyjonach budzie pradavacca biezałkaholnaje piva.