Jeŭrapiejskija zbornyja admovilisia ad kapitanskich paviazak u padtrymku ŁHBT na čempijanacie śvietu
Im pahražali štrafami i žoŭtymi kartkami.
21.11.2022 / 15:32
Zbornyja Anhlii, Bielhii, Danii, Hiermanii, Francyi, Niderłandaŭ, Uelsa i Šviejcaryi chacieli pravieści kampaniju «OneLove».
Ale pierad samym startam turniru FIFA papiaredziła jeŭrapiejskija zbornyja ab adkaznaści i pryhraziła štrafavać i davać žoŭtyja kartki, kali jeŭrapiejcy vyjduć na pole z paviazkaj, jakaja padtrymlivaje ŁHBT.
Zamiest hetaha FIFA prapanavała kapitanam hetych jeŭrapiejskich zbornych vychodzić na pole ź inšym z nadpisam «No Discrimination» («Nie — dyskryminacyi»).