MZS Kanady: NATA zrobić usio, kab Ukraina vystajała hetaj zimoj
Niahledziačy na paviedamleńni pra toje, što zachodnija sajuźniki ŭsio bolš naściarožana staviacca da darahich pastavak zbroi i zaniepakojenyja chutkaściu, ź jakoj Ukraina raschoduje bojeprypasy, Žali zajaviła ab «mahutnaj padtrymcy Ukrainy» z boku NATA, piša Bi-bi-si.
29.11.2022 / 12:39
Miełani Žali. Fota: Jacquelyn Martin / AP
Jana adznačyła abiacańnie Kanady dać Ukrainie 500 młn kanadskich dalaraŭ (370 miljonaŭ dalaraŭ ZŠA) u jakaści dadatkovaj vajennaj dapamohi. Taksama, ź jaje słoŭ, ataki Rasii na cyvilnuju infrastrukturu Ukrainy tolki ŭzmacnili padtrymku z boku zachodnich sajuźnikaŭ.
«My pavinny harantavać, što ŭkraincy zmohuć vystajać hetaj ciažkaj zimoj», — skazała jana, dadaŭšy, što ministry enierhietyki krain NATA šukajuć šlachi vyrašeńnia blizkaha enierhietyčnaha kryzisu.