Украінцы і расіяне зноў абмянялі па 50 палонных
Пра новы абмен паведаміў кіраўнік Офіса прэзідэнта Украіны Андрэй Ярмак у тэлеграме.
01.12.2022 / 17:24
«Правялі чарговы буйны абмен палоннымі. Вызвалілі 50 абаронцаў Украіны. Мы вяртаем абаронцаў Марыупаля і «Азоўсталі», вяртаем палонных, што былі ў Аленаўцы, параненых, у тым ліку ў баях на Данецкім, Луганскім, Запарожскім напрамках», — адзначыў ён.
Па словах Ермака, «гэта вялікая праца, якая працягваецца штодня. Мы будзем працаваць да вызвалення апошняга ўкраінца. Дзякуй Каардынацыйнаму штабу па пытаннях абыходжання з ваеннапалоннымі. Усе будуць дома».