U Rastoŭskaj vobłaści zatrymali deziercira, jaki stralaŭ pa palicejskich z kulamiota. Mahčyma, heta były bajec PVK Vahniera
U Rastoŭskaj vobłaści na poŭdni Rasii zatrymany ŭzbrojeny mužčyna ŭ kamuflažy, jaki 6 śniežnia abstralaŭ palicejskich u horadzie Navašachcinsk. Pa danych ŚMI, im akazaŭsia były źniavoleny, jaki ŭstupiŭ u PVK Vahniera.
07.12.2022 / 13:04
«Złačyniec zatrymany. U vyniku zładžanych apieratyŭna-vyšukovych dziejańniaŭ jaho znajšli ŭ pustujučym budynku pad Navašachcinskam. Pravodziacca śledčyja dziejańni», — paviedamiŭ hubiernatar Rastoŭskaj vobłaści Vasil Hołubieŭ.
Telehram-kanał Baza piša, što zatrymany adbyvaŭ va Ufimskaj kałonii termin za rabavańnie, adkul byŭ zavierbavany ŭ PVK Vahniera dla ŭdziełu ŭ vajnie va Ukrainie.
24 listapada jon pieradumaŭ vajavać i źbieh, śćviardžaje Baza.
Napiaredadni paviedamlałasia, što mužčyna sa zbrojaj, jaki paraniŭ palicejskaha ŭ Navašachcinsku, moža być dezierciram. Na čas pošukaŭ u horadzie spynili ruch hramadskaha transpartu pa niekalkich maršrutach, a hramadzian zaklikali nie vychodzić na vulicy.