Суддзю, які прызначыў штраф брату Дар'і Домрачавай у 2020-м, адправілі ў адстаўку
Згодна з фармулёўкай указа, Аляксандр Брычкоў больш не будзе суддзёй у Фрунзенскім раённым судзе Мінска «па ўласным жаданні», піша «Еўрарадыё».
17.12.2022 / 10:53
Згодна з падлікамі ініцыятывы «Зубр», за час сваёй працы Брычкоў прызначыў па палітычных артыкулах штрафаў як мінімум на 3 680 рублёў, а таксама 84 суткі арышту.
Адной са спраў, якую разглядаў Брычкоў, была справа супраць брата алімпійскай чэмпіёнкі Дар'і Домрачавай — Мікіты Домрачава. Яго затрымалі 11 кастрычніка 2020-га. Мужчына ехаў па набярэжнай Свіслачы — па яго словах, адведаць маці. Домрачава сцягнулі з ровара і моцна збілі. З РУУС яго забрала хуткая. У выніку яго прызналі вінаватым ва ўдзеле ў акцыі і аштрафавалі на 20 базавых.