Ukrainski hienierał: Pucin jedzie ŭciahvać Biełaruś u vajnu na sušy
Kamandujučy Abjadnanymi siłami USU hienierał-lejtenant Siarhiej Najeŭ ličyć, što ŭ chodzie vizitu prezidenta RF Uładzimira Pucina ŭ Biełaruś 19 śniežnia havorka pojdzie pra bolš šyrokaje pryciahnieńnie ŭzbrojenych sił Biełarusi da vajny suprać Ukrainy, u tym liku na sušy, paviedamlaje «Ukrainskaja praŭda».
18.12.2022 / 14:41
«Niadaŭna kiraŭnik Kramla pravioŭ słužbovuju naradu z kiraŭnictvam uzbrojenych sił RF, u chodzie jakoj, jak jon asabista adznačyŭ, razhladaŭ prapanovy vajennaha kamandavańnia na blizkija i siarednieterminovyja pierśpiektyvy.
Adrazu paśla hetaha jon spłanavaŭ sustreču z kiraŭnictvam Respubliki Biełaruś, jakaja adbudziecca nieŭzabavie.
Na naš pohlad, padčas hetaj sustrečy buduć adpracoŭvacca pytańni dalejšaj ahresii suprać Ukrainy i bolš šyrokaha pryciahnieńnia Uzbrojenych sił Respubliki Biełaruś da apieracyi suprać Ukrainy, u tym liku, na našu dumku, i na sušy», — miarkuje Najeŭ.