Z Rasii ŭ Biełaruś prybyŭ jašče adzin vajskovy ešałon z «Urałami»
Ab prybyćci ŭ Biełaruś čarhovaha rasijskaha ešałona z novymi hruzavikami «Urał» na vahonach-płatformach paviedamiŭ telehram-kanał supolnaści biełaruskich čyhunačnikaŭ.
18.12.2022 / 18:25
Skrynšot ź videa supolnaści biełaruskich čyhunačnikaŭ
Pavodle źviestak kanała, ešałon byŭ adpraŭleny z rasijskaj stancyi Misiaš u Čalabinskaj vobłaści na biełaruskuju stancyju Asipovičy-I.
Z Rasii ešałon z pahružanaj na vahony-płatformy kołavaj technikaj (50 aŭtamabilaŭ «Urał») adpraviŭsia 11 śniežnia i prybyŭ na stancyju pryznačeńnia 16 śniežnia kala hadziny nočy. Pavodle infarmacyi kanała, padrychtoŭka da vyhruzki vajskovaj techniki pačałasia 16 śniežnia ŭ 04:30.
Pierad hetym 11 śniežnia na stancyju Pałonka ŭ Baranavickim rajonie z toj ža stancyi Misiaš prybyŭ vajskovy ešałon ź minimum 30 adzinkami novych hruzavikoŭ «Urał».