Top-10 haradoŭ, u jakija biełarusy lotali ŭ 2022 hodzie
Analityki Aviasales.by padviali vyniki hoda ŭ treviele i vyśvietlili, što kolkaść mižnarodnych padarožžaŭ značna vyrasła ŭ paraŭnańni ź minułym hodam. Sioleta biełarusy šukali kvitki ŭ 2,5 raza bolš, a kolkaść braniravańniaŭ pavialičyłasia amal udvaja. Źmieny jość i ŭ napramkach padarožžaŭ. U 2022 u śpisie dźvie novyja krainy — Armienija i AAE, piša Thinktanks.by.
20.12.2022 / 23:37
Mnohija krainy, u jakija raniej časta lotali biełarusy, sioleta pa zrazumiełych pryčynach vypali z rejtynha. U vyniku ŭ topie zastalisia ŭ asnoŭnym harady SND i kurortnyja centry.
U top mižnarodnych kirunkaŭ biahučaha hoda ŭvajšli:
- Rasija
- Turcyja
- Hruzija
- Kazachstan
- Armienija
- Azierbajdžan
- AAE
Pieršuju pazicyju ŭ śpisie samych papularnych haradoŭ, jak i ŭ 2021 hodzie, zajmaje Maskva. Z novych kirunkaŭ u śpisie — Baku, Taškient i Jerevan.
U top haradoŭ pa kolkaści braniravańniaŭ u 2022 hodzie ŭvajšli:
- Maskva
- Sankt-Pieciarburh
- Stambuł
- Tbilisi
- Taškient
- Baku
- Antalja
- Jerevan
- Kalininhrad
- Adler / Sočy
U siaredniaj canie kvitkoŭ u topavyja krainy za 2022 hod nazirajecca pavyšeńnie. Siaredni košt kvitkoŭ u topavyja mižnarodnyja napramki letaś składaŭ 458 rubloŭ, a ŭ 2022 — 932 rubli.
Źnizilisia ceny ŭ hetym hodzie na kvitki ŭ Rasiju (-8% ad siaredniaj cany kvitkoŭ u 2021 hodzie). U 2021 kvitki ŭ rasijskija harady ŭ siarednim kaštavali 382 rubli, a ŭ 2022 — 354 rubli.
Pry hetym užo ciapier biełarusy šukajuć i branirujuć kvitki na nastupny hod. Pa danych analitykaŭ Aviasales.by, na 2023 hod biełarusy čaściej za ŭsio šukajuć kvitki ŭ nastupnyja krainy:
- Rasija
- Turcyja
- Hruzija
- AAE
- Tajłand
- Izrail
- Indaniezija
Śpis krain, u jakija biełarusy kuplajuć kvitki na nastupny hod, nie mocna adroźnivajecca ad śpisa pošuku. U jaho ŭvajšli Rasija, Turcyja, Hruzija, AAE, Tajłand, Izrail, Uźbiekistan.