Pa BT pakažuć śviatočnyja nabaženstvy z Mahilova i Vatykana
BiełTA paviedamlaje, što da śviata Božaha Naradžeńnia ŭ efiry dziaržaŭnych telekanałaŭ 24 i 25 śniežnia projduć tranślacyi ŭračystych nabaženstvaŭ z Mahilova i Vatykana.
22.12.2022 / 22:06
Fota: Biskup Alaksandr Jašeŭski
24 śniežnia ŭ 21:45 pačniecca žyvaja tranślacyja śviatočnaj imšy z kaścioła Uśpieńnia Praśviatoj Baharodzicy ŭ Mahilovie. Uznačalić jaje dapamožny biskup Mahiloŭskaj dyjacezii Alaksandr Jašeŭski. Adrazu paśla taho, u 23:30, telekanał pakaža śviatočnuju imšu z Vatykana z udziełam Papy Rymskaha Franciška.
Ranicaj 25 śniežnia ŭ 7:25 na «Biełaruś 1» sa Słovam na Božaje Naradžeńnie da viernikaŭ źvierniecca kiraŭnik Rymska-katalickaj carkvy ŭ Biełarusi, arcybiskup-mitrapalit Minska-Mahiloŭski Juzaf Stanieŭski.
U 15:30 u tranślacyi z Vatykana pasłańnie i błahasłaŭleńnie Papy Franciška «Horadu i śvietu» pakaža telekanał «Biełaruś 3».