Mininfarm razbłakavaŭ sajt haziety «Biełorusy i rynok»
ZAT «Miedyjarynak», jakoje raniej było vydaŭcom haziety «Biełorusy i rynok», atrymała zahad Ministerstva infarmacyi ab adnaŭleńni dostupu da sajta belmarket.by.
23.12.2022 / 18:04
Robicca taki krok, jak zajaŭlajecca, «u suviazi z ustanaŭleńniem fakta adsutnaści parušeńnia zakanadaŭčych aktaŭ, jakoje pasłužyła padstavaj dla pryniaćcia rašeńnia ab abmiežavańni dostupu da internet-resursu, a taksama inšych parušeńniaŭ zakanadaŭčych aktaŭ u miežach svajoj kampietencyi».
Zahad padpisany ministram infarmacyi Uładzimiram Piarcovym 22 śniežnia 2022 hoda.
U ZAT «Miedyjarynak» źviazvajuć heta rašeńnie z samastojnym błakavańniem redakcyjaj značnaj častki kantentu sajta.
Redakcyja abiacaje, što z momantu adnaŭleńnia dostupu ŭ Biełarusi sajt haziety «Biełorusy i rynok» (belmarket.by) pačnie abnaŭlacca ŭ zvyčajnym režymie.
Raniej paviedamlałasia, što z novaha hoda prypyniaje vychad papiarovaja viersija haziety «Biełorusy i rynok», jana nie ŭklučanaja i ŭ padpisny katałoh na nastupny hod. Prytym zroblena heta było pa patrabavańni taho ž Ministerstva infarmacyi.