Зноў быў атакаваны расійскі аэрадром стратэгічнай авіяцыі ў Энгельсе
Спачатку ўлады абвяргалі гэта, але пазней Мінабароны Расіі пацвердзіла надзвычайнае здарэнне ў раёне аэрадрома «Энгельс» у Саратаўскай вобласці.
26.12.2022 / 07:52
Сцвярджаецца, што на падлёце быў збіты беспілотнік. Але «ў выніку падзення абломкаў» загінулі трое расійскіх вайскоўцаў, чацвёра параненыя. Авіятэхніка нібыта не пацярпела.
Аэрадром, які знаходзіцца за 600 кіламетраў ад граніцы з Украінай, першы раз быў атакаваны 5 снежня. Тады былі пашкоджаныя два самалёты, якія выкарыстоўваліся для ракетных атак на Украіну.
Як паведамлялі СМІ, для атакі ўкраінцы выкарысталі мадыфікаваны савецкі беспілотнік Ту-141 «Стрыж».