U Biełarusi znoŭ možna zapampavać Windows biez VPN
Amierykanskaja karparacyja Microsoft znoŭ dała karystalnikam ź Biełarusi i Rasii mahčymaść spampavać sa svajho aficyjnaha sajta apieracyjnyja sistemy Windows 10 i Windows 11, a taksama niekatoryja inšyja pradukty. Zaraz heta možna zrabić biez vykarystańnia VPN, jak i raniej, zaŭvažyła vydańnie Office Life.
28.12.2022 / 19:44
Pastavić na kampjutar možna jak samuju apošniuju viersiju AS-Windows 11 22h2, tak i papiarednija varyjanty — Windows 10, Windows 8.1 i Windows 7, a taksama vobrazy dla zapisu na DVD abo USB.
Karystalniki ź Biełarusi i Rasii pazbavilisia mahčymaści aficyjna zapampoŭvać Windows ź siaredziny červienia hetaha hoda.
Pry sprobie spampavać AS z sajta Microsoft ź Biełarusi srodak stvareńnia vobrazaŭ dyska z Windows 10 i Windows 11 pad nazvaj Media Creation Tool karystalnik bačyŭ pamyłku 404 (fajł abo dyrektoryja nie znojdzienyja). Zapampoŭka pačynałasia tolki pry padklučeńni da interneta praz VPN. Abmiežavańni ŭvodzilisia z-za raźviazvańnia Rasijaj i Biełaruśsiu vajny va Ukrainie.