Kačanava: Treba prymać zakon suprać ŁHBT, bo ŭ nas tradycyi, pravasłaŭje i Maskva
Staršynia Savieta Respubliki Natałla Kačanava 29 śniežnia vystupiła na «saviecie starejšyn», dzie siarod inšaha zakranuła pytańnie, jakija zadačy joj samoj i orhanu, jaki jana ŭznačalvaje, «pastajanna padnosić žyćcio». Hetym razam žyćcio padniesła joj zadaču zmahańnia z ŁHBT, pakolki nielha adstavać ad Maskvy.
29.12.2022 / 19:48
«Mierkavańnie takoje jość, i, moža być, nam treba budzie vystupić z zakanadaŭčaj inicyjatyvaj ab niedapuščalnaści raspaŭsiudžvańnia ŁHBT. Kali ja była z aficyjnym vizitam u Maskvie, jakraz u toj dzień u Dziaržaŭnaj Dumie pryniali zakon ab zabaronie prapahandy ŁHBT. Napeŭna, pryjdziecca prymać i nam.
I heta budzie pravilna. Nielha heta prapahandavać. U nas jość siamiejnyja kaštoŭnaści, tradycyi, jakija my pieradajom z pakaleńnia ŭ pakaleńnie: tradycyi siamji, pravasłaŭja», — zhienieravała Kačanava čarhovuju mudraść.