Wyborcza nazvała Kaleśnikavu i Pačobuta siarod hierojaŭ 2022 hoda
Polskaja Gazeta Wyborcza ŭklučyła biełaruskich palitviaźniaŭ Maryju Kaleśnikavu i Andreja Pačobuta ŭ śpis hierojaŭ 2022 hoda.
31.12.2022 / 12:32
Maryja Kaleśnikava
«Čyrvonaja pamada, šyrokaja ŭśmieška i blask u vačach. Takoj zapomnili Maryju Kaleśnikavu ź Minska i takuju jaje siońnia možna ŭbačyć na redkich fotazdymkach, zroblenych padčas sustreč ź blizkimi. Adna ź lidarak biełaruskaj apazicyi kožny dzień dakazvaje śvietu, što siarod nas jość ludzi, jakich nie moža złamać nivodny dyktatar», — havorycca pra Maryju Kaleśnikavu, asudžanuju na 11 hadoŭ kałonii.
«Naš žurnalist, apazicyjanier, jaki zmahajecca ŭ Biełarusi za svabodu i demakratyju. Jon znachodzicca ŭ turmie amal dva hady, i na patrabavańni śvietu ab jaho vyzvaleńni Alaksandr Łukašenka, pabracim Pucina, zastajecca ślapym i hłuchim», — pišacca pra Andreja Pačobuta.