Minski hatel «Słavianski» vystavili na aŭkcyjon
U Minsku vystaŭleny na aŭkcyjon 15-paviarchovy hatel «Słavianski» pa vulicy Naračanskaja, 6. Infarmacyja pra heta raźmieščana na sajcie «BiełJurZabieśpiačeńnie». Pačatkovy košt majomaści — zvyš 10,44 miljona rubloŭ.
03.01.2023 / 17:31
U łot uvachodzić budynak hatelnaha kompleksu z parkinham i restaranam, raźmieščany na ŭčastku ŭ 1,3208 ha, šyldy, lifty, sistemy achovy i vonkavaha nazirańnia, sistemy kandycyjanavańnia i inšaje padobnaje. Pačatkovy košt majomaści — bolš 10,44 miljona rubloŭ.
Zajaŭki na ŭdzieł u tarhach prymajucca da 16:00 18 studzienia. Aŭkcyjon pryznačany na 19 studzienia: tarhi projduć z 9:00 da 18:00.
Abjekt pieršapačatkova budavaŭsia da čempijanatu śvietu pa chakiei ŭ 2014 hodzie.