Ukrainski śpiecnaz pravioŭ vučeńni za 8 km ad biełaruskaj miažy — u Čarnobylskaj zonie
Płanavyja vučeńni Ukraina praviała z bajcami-śpiecnazaŭcami ŭ Čarnobylskaj zonie adčužeńnia, paviedamlaje UNIAN sa spasyłkaj na siužet TSN.
22.01.2023 / 17:17
Skrynšot siužeta TSN
Pa słovach vajskoŭcaŭ, ad miesca vučeńniaŭ da biełaruskaj miažy 8 kiłamietraŭ.
Śpiecnaz adpracoŭvaŭ užyvańnie bajavych snaradaŭ i ŭzajemadziejańnie šturmavych hrup adrazu niekalkich padraździaleńniaŭ — na vypadak čarhovaj ataki rasijskich vojskaŭ z boku Biełarusi.
Zadača zvodnaha atrada bajcoŭ terabarony — źniščyć varožyja celi za ličanyja kiłamietry ad biełaruskaj miažy. Kab abaranić rubiažy, pa lehiendzie, na miesca vysadki varožaha desanta adpraŭlajecca šturmavaja hrupa na brani pad prykryćciom artyleryi i tankaŭ.
Padčas vučeńniaŭ była zadziejničanaja ciažkaja technika, tanki, braniavaja mašyna «Mach Pro», samachodnaja artbatareja.
Taksama vučeńni praviali jašče na adnoj łakacyi — u haścinicy «Paleśsie» ŭ Prypiaci. Tam bajcy vučylisia ŭzajemadziejničać va ŭmovach haradskoj zabudovy.