У Беларусі адмянілі абмежаванні на вываз прадуктаў у Польшчу, Літву і Латвію
Такія рашэнні прынялі Віцебскі і Гродзенскі аблвыканкамы.
31.01.2023 / 11:57
Рашэнні ўступілі ў сілу і будуць дзейнічаць да канца 2023 года.
У іх гаворыцца, што забарона на вываз фізічнымі асобамі з Беларусі за межы мытнай тэрыторыі ЕАЭС тавараў для асабістага карыстання па пераліку і ў колькасці згодна з дадаткам да пастановы Саўміна ад 12 красавіка 2022 года №224 не распаўсюджваецца на тавары, набытыя фізічнымі асобамі, у выпадку іх вывазу з Беларусі ў Польшчу, Літву і Латвію.