Мінская пенсіянерка падманула тэлефонных аферыстаў і дапамагла затрымаць кур'ера
Пажылой мінчанцы патэлефанаваў невядомы і паведаміў, што яе ўнук стаў вінаватым у ДТЗ.
03.02.2023 / 12:54
Для вызвалення ад крымінальнай адказнасці неабходна перадаць буйную суму. Жанчына ведала пра такую схему махлярства і, прызначыўшы сустрэчу з кур'ерам, звярнулася ў міліцыю, паведамляе прэс-служба МУС.
35-гадовую жанчыну, што прыбыла па грошы, з доказамі злачынства затрымалі аператыўнікі крымінальнага вышуку Савецкага РУУС. Фігурантка патлумачыла, што знайшла падпрацоўку кур'ерам у тэлеграм-канале. Гэта было яе першае заданне.
Заведзена крымінальная справа за махлярства.