Partuhalija pieradaść Ukrainie tanki Leopard 2, jak tolki adramantuje
Partuhalija adpravić va Ukrainu tanki Leopard 2, zapeŭniŭ premjer-ministr krainy Antoniu Košta. Jon nie ŭdakładniŭ, kali mienavita i kolki tankaŭ pieradaduć Ukrainie.
04.02.2023 / 15:45
Pa słovach Košty, Partuhalija viadzie pieramovy z Hiermanijaj ab nabyćci zapčastak, nieabchodnych dla ramontu tych partuhalskich «Leapardaŭ», jakija znachodziacca ŭ niebajazdolnym stanie.
«Ja viedaju, kolki tankaŭ budzie [adpraŭlena va Ukrainu], ale pra heta budzie abvieščana asobna», — cytuje jaho słovy ahienctva Reuters.
Na ŭzbrajeńni partuhalskaj armii znachodzicca 37 tankaŭ Leopard 2A6. Heta adna z sučasnych madyfikacyj.